كلمات اغنية محمد عبد الوهاب – إيه جرى يا قلبى إيه

إيه جرى يا قلبى إيه كل يوم لك حال جديد

ليه بتشكى الوحدة ليه دا انت طول عمرك وحيد

يا هل ترى يا قلبى إيه اللى جرى خايف تميل ويا الهوى

تحتار معاه و احتار أنا اوعى يا قلبى تكون حنيت

للى شكيت منه و بكيت ياما قاسيت ياما حبيت

اوعى يا قلبى

قابلنى صدفة بعد الغياب و كنت حالف ما أسلم

عطف على بعد العذاب سلمت من غير ما أتكلم

لاقيت عتابه جميل صعب على تانى و القلب لما يميل

يعشق و هو الجانى اوعى يا قلبى تكون حنيت

اوعى يا قلبى

شايفك يا قلبى بتعانى و بتفتكر فى ليالى هواك

خايف عليك تعشقه تانى و يحيرك و أحتار وياك

ترجع تقاسى زى زمان ساعة رضا و ساعة هجران

طاوعت حبك ليه اسألنى أنا عنه

ده اللى بتبكى عليه ياما بكيت منه

إن كنت مش فاكر أنا فاكر ياما طويت الليل ساهر

إوعى يا قلبى تكون حنيت