يا اللى زرعتوا البرتقان ...يللا اجمعوه
آن الأوان يللا اجمعوه ... آن الأوان يللا يللا
احنا زرعنا واحنا سقينا
وآدى احنا بعد التعب جنينا
دا بين ايدينا و اللى علينا
نعرف نقدر البرتقان
يا اللى زرعتو البرتقان ...يللا اجمعوه
آن الأوان يللا اجمعوه... آن الأوان يللا يللا
يا محلا ريحته بين الجناين
يا محلا شكله والخد باين
دا الفص منّه يسوا خزاين
يا رب كتر البرتقان
دى الشمس طالعه والجو هادى
والنيل بيجرى فى كل وادى
الله يصونه من كل عادى
يزيد ويكتر البرتقان
يا اللى زرعتوا البرتقان ...يللا اجمعوه
آن الأوان يللا اجمعوه... آن الأوان يللا يللا
ياما سهرتو معانا أمالكو
وصبرتو بينكو من ظلم حالكو
لما صبرتو السعد اهو جالكو
وكان قدومه ع البرتقان
بيعوه بذمه وارضو ضميركو
وارعو كل الحقوق لغيركو
الله يبارك لكم فى سيركو
ويخلى موسم البرتقان
التعليقات