من زيك عندى يا خضرة فى الرقة يا غصن البان
ما تجودى على بنظرة و أنا رايح فى الميدان
مين زيك عندى يا خضرة
كيف يغزى أرض حبيبى رجالة و إحنا رجال
و النيل بيسقى حبيبى و حمايته الروح و المال
دى رموشك منها شجاعتى و عيونك فيها مرايتى
أنا أحارب و انتى رايتى و رضاكى قصدى و غايتى
يكفينى باسمك أحارب و النصر باسمى يجاوب
و عدوى يولى هارب و يحرم تانى يحارب
ده بعدك عنى ثورة فى نفسى تهزم جيش
و ذخيرتى فى قلبى خضرة و بحبى لخضرة أعيش
التعليقات