في مدرسة الحياة إتعلمت حاجات كتير
شفت اللي عاش فقير وفي الأخر مات أمير
عشان كان عنده حلم بس شبه مستحيل
قدر يحققه ما إستسلمش للبديل
إحساس جميل لما توصل وتكسب
والناس بتكدب عشان توصل، هتتعب
لازم تفضل صاحي، لما تيجي لك فرصة تركب
ما تخليش حد يقف في طريقك، هتسبق وتلحق
واللي يحاول يشوشك ويشتتك
عن اللي إنت واثق إنه في يوم هيسعدك، ما تصدقهوش
خليك قد كلمتك
مستقبلك جوة قلبك
ما تخليش حد يحبطك
ولو وقعت مرة، حاول مرة كمان
عشان إحنا في زمان الضعيف مالوش مكان
ركز يلا وإنجز، مافيش وقت للكلام
دا حتى الأكل مالوش طعم لو ما كنتش جعان
بتعدي بينا وتلف بينا أيام
وإحنا تلاميذ في مدرسة الحياة
(تلاميذ في مدرسة الحياة)
بتعدي بينا وتلف بينا أيام
وإحنا تلاميذ في مدرسة الحياة
الحياة زي المدرسة وفيها كتير مدرسين
والباقي تلاميذ مش عاجبهم الروتين
اللي بقوا مهندسين واللي بقوا مجرمين
منهم الحقيقي والمزيف بوشين
والسؤال لو متابع الأغنية
إنت شاري نفسك ولا بايع القضية
إنت داري بنفسك ولا عايش للتسلية
ما إنت عارف نفسك، مش محتاج تحليل شخصية
إصحى، الناس بتجرى حوالينا
وإحنا الوقت بيجري من إيدينا
ونسينا اللي حصل للي تاهوا قبلينا
بلاش نغلط زيهم ونفتح عينينا
للي جاي علينا مهما كان
مدرسة الحياة ودا ميعاد الإمتحان
وزي ما واحد صاحبي قالها من زمان
الحقيقة مسيرها تبان وهنعرفها مع الأيام
والله والأيام عدت قوام
ياما شفنا سوا وكبرنا هوا
في مدرسة الحياة
والله والأيام عدت قوام
ياما شفنا سوا وكبرنا قوام
بتعدي بينا وتلف بينا أيام
بتعدي بينا وتلف بينا أيام
وإحنا تلاميذ في مدرسة الحياة
في مدرسة الحياة
تلاميذ
التعليقات