مساحة إعلانية
بنحلم نلاقي شخص بنتمناه
نعيش فـ حُضنُه نلاقي كُل حاجة معاه
فـ اول الحكاية هتحس انُه هوَّ
و هيرسم عليك الحُب و هيدخُل قلبك بسُرعة
دا اللي بينا .. كُنت فاكرك بتحبيني
قولتيلي انتي غيرهُم هتنسيني و تحسيني
و فات الوقت و زيهُم سيبتيني
بعد ما كُنت فـ كُل حاجة دايماً جنبك بتلاقيني
جاية بتبصيلي فـ عيني و بتقوليلي انتي كرهتيني
مكُنتش متوقعها كُنت فاكرك بتهزري
لو كُنت عارف كُنت هقول عايزك تفضلي
ضحيت عشانك و فـ حُبك قلبي مقصرش
حبك بـ عيوبك و اللي يحب مبيختارش
انا مش مسامحك مش مصدق حتى كدبك
ازاي تنسيني ازاي تبعدي عن اللي يحبك
كُنت فاكرك الملاك اللي جيه ينور حياتي
حُب الناس كُلها فـ كفة و حُبك انتي مكانش عادي
و بعيش مستني عيونك و مبتجيش
الشوق غالبني و فـ بُعدك قلبي مسابنيش
بيقولولي حِب تاني ساعتها هقدر انسي حُبك
انا عندي كلام كتير بس هيتلخص فـ حُضنك
و بعيش، فـ بُعدك حياتي متلزمنيش
صورتك دايماً فـ عيني صدقيني مبتفارقيش
انتي الحاجة الوحيدة الحلوة اللي دخلت حياتي
خليكي بعيدة مدام راحتك فـ بُعادي
التعليقات