مش زى اى اتنين حبوا بعض و فجأة بعدوا
كُنا عاشقين و عيون الناس علينا كتروا
القلب بقى ضعيف حاسس بخوف
لما بيسألنى عليكى فى كل مرة يكون ملهوف
مش ليا ، ولا كُنتيلى خير
دعيت تبقى انتى كل الخير
مانستش ولا قادر أنسى ولا انتى اساساً تتنسى
هفضل عايزك طول مانتى بتتنفسى
ولو ماحصلش فى الدنيا دى تانى و بقيتى هنا
هفضل بدعيلك واتمناكى من ربنا
كل اللى حبوا ماعرفوش يحبوا زينا
كل اللى بعدوا مادمروش فى بعض كدا
انا وانتى عيشنا ايام فى الجنة بس هنلاقيها
ايام فى القصص بس الناس كانت تحكيها
كُنت بكلمة حلوة بقدر أكمل و أعيش
كنت أضعف من انى اشوفك تبكى و ماحضنكيش
ياااه على الحب والاوجاع
قصص جميلة خسارة كان اخرها وداع
اة على اللى قلبى حاسس بيه
صعب احساسى دة غير حضنك يداويه
طمنى عليك حبيبى عامل اية من بعدى ؟
حاسس بخوف ولا جالك ناس خدت مكانى !
الدُنيا معاندة دايماً تاخد أغلى ماعندى
ومش هييجى اعز منك تانى
طمنى عليك و قولى مانستنيش
قولى انك مشتاق وانك من غيرى مش قادر تعيش
قول كلام اشتاقت اسمعو و قلبك ليا رجعوا
انت عارف انه مِلكى ف اية تانى يقدر يمنعوا
ظروف حياتنا خدتنا منا
قدرت تعملها و بعدتنا
كل مكان فى سهرنا
مش حابب نكون لغيرنا
اشتاقت للايام ، اشتاقت بجد للى كان
زمان يتمنى يشوفنى ، وكنت لي أجمل أحلام
ياااه على الحب والاوجاع
قصص جميلة خسارة كان اخرها وداع
اة على اللى قلبى حاسس بيه
صعب احساسى دة غير حضنك يداويه
التعليقات