دُنيا رحلة يوم بتقسى ساعة تحلى
الوجع بيعلم منفتكرش لما فرحنا
كونك لوحدك خلاك تنسى كلمة احنا
و اتعلمت تعدى لوحدك كُل محنة
مليانين عيوب محدش من الغلط معصوم
تخيل لو وقعت متقدرش تقوم
عشان كُلُه باصص و مستنيلك غلطة
و كأن حقهم يحاسبوك و تبقى فـ ورطة
شاغلين بالكُم بالأذى و ناسيين جبر الخواطر
بقى الناجح بيفشل و الفاشل تقولوله شاطر
غريب والله حالنا بيتجه للأسوء
بقى سيد النفاق و بنتزوق
كُل حاجة غير زمان خلاص راحت اللهفة
احلامك الكبيرة دلوقتي بقت بتتسمى تافهة
مش طبيعي كم الناس اللي عيونهُم مش مليانين
عيشنا و شوفنا من البشر تعابين
دُنيا رحلة يوم بتقسى ساعة تحلى
الوجع بيعلم منفتكرش لما فرحنا
كونك لوحدك خلاك تنسى كلمة احنا
و اتعلمت اعدي لوحدي كُل محنة
مش معنى خسرت انى مقدرتش افوز
انا بشكر الايام عشان اتعلمت منها دروس
القوة فـ حاجتين الفلوس و فاللسان
خليك مع ربنا ينزاح سواد الايام
كُلنا بنعدي بـ فترات مبيبقاش جوانا طاقة
يادوب بنعيش بالعافية و بنتجنب اي علاقة
محبوناش عشان محبناش نعيش فوسط نفاق
البُعد عنهُم مكانش غباء
دايرة الصحاب تضيق النفس يبدأ يطول
صُحاب مصالح ضحكة فـ وشك من وراك يفضل يقول
فـ كلام و عيوب مش فيك بيفكر ازاي يإذيك
انتَ من جواك حزين لكن ضحكة بتراضيك
محدش ليِه جمايل قلبى شال اكتر ماهو شايل
بتفرج و اقول دا هايل فركش مليش زمايل
كُل شئ اتغير عن زمان يا صاحبي
انا لوحدي دايماً مش عايزك تنصحني
دُنيا رحلة يوم بتقسى ساعة تحلى
الوجع بيعلم منفتكرش لما فرحنا
كونك لوحدك خلاك تنسى كلمة احنا
و اتعلمت تعدى لوحدك كُل محنة
التعليقات