ضعيف ! تعالى الحُب بيناديك
قرب منك غنالك و مسِكك من ايديك
كِنت فاكر انك هتبقى احسن
لحد لما عرفت ان كُل الناس بتمثل
و مين يكمل القلب مش مستحمل
و كُل إحساس بالحُب جوايا خلاص اتبدل
سهران و عيونك مش بتقفل
البُعد مش بيموّت بس الذكريات بتقتل
يمكن بنغلط لما بنسلم قلنا
و بيتضحك علينا جايز من طيبة قلبنا
انا موتّ اكتر ما عيشت، مكسبتش اد ما خسرت
انا كُل حاجة فيا بتقول اني فعلاً ضيعت
خسرت نفسي و دة الاهم، وزاد فـ قلبي شيل الهم
كُل ضحكة قلبت غم، اللي اتكسر صعب يتلم
دي شوية ايام و مسيرها بيك تفوت
الكُل عايز الجنة و مفيش حد عايز يموت.
خليني بحلم نعيش لو لحظة سوا
ابعت رسايل للقمر و اقول بحبك للهوا
خليني بكدب زي ما انتوا كتير كدبتوا
يا بخت من حبيتوا و يندم اللي بـ ايدي سبتُه
خليني بحلم نعيش لو لحظة سوا
ابعت رسايل للقمر و اقول بحبك للهوا
خليني بكدب زي ما انتوا كتير كدبتوا
يا بخت من حبيتوا و يندم اللي بـ ايدي سبتُه
و دا زي ما كان زمان بيقول كلام يهرب اوام
انا مش هنساك ياللي ظلمت قلبي معاك
و كُل ليل يسهر وياك و اقول اهواك
انا مش ملاك ياللي عيوني مصدقاك و دلوقتي بقت كرهاك
ايوة عارفين ان الناس دول كدابين
و لو عملت العجب بردو مش مرتاحين
و تفوت سنين على كُل ذكرى بتقتلك
نسيت اللي بيحبك و افتكرت ناس كرهتك
ياه لما بتكره كُل الدُنيا
و يجيلك حد يعوضك عن كُل ثانية
و بعد كدا يظهر انُه كان مرحلة
و كُل حاجة بتحصل كانت محسوبة و متقدرة
دول بياعين كلام قلبي وسطهم اتهان
مستغربين بعد كُل دا قلبي ليكُم خان
دا كان زمان تيجوا عليّٓ و اعدي عادي
انا اللي هكتب النهاية و همحي كُل حاجة قُصادي
خليني بحلم نعيش لو لحظة سوا..
ابعت رسايل للقمر و اقول بحبك للهوا..
خليني بكدب زي ما انتوا كتير كدبتوا.
يا بخت من حبيتوا و يندم اللي بـ ايدي سبتُه.
بس قُصادك الورق مكشوف
نفس الاحساس نفس الرعشة نفس الخوف
بقيت مجنون و دي مش تصرُفاتي
بس وعد انا مش هضعف حتى لو هتبكي قُصادي
هعيش وحيد مش هيكون في حد جديد
بلاش نتعب قلبنا و تسيب او انا اللي اسيب
انا كُنت جنبك وقت ما كُنتي بتحتاجيني
و انتي كُنتي جنبي كُل حاجة تقدر تإذيني
و كأن الحُب حرب مش ان احنا نكمل بعض
دُسنا انا و انتي كُل حاجة بعد ما نسيتي كُل وعد
كانت هتفرق لو مكانش العشق ليكي
و كُل حاجة بينا كانت بتقوى قُصاد عينيكي
انا قلبي هان عليكي، فـ هخون لمسة ايديكي
و حياتي هتكمل حتى لو مش هتكمل بيكي
القسوة بانت و الحُب كان ماليني
مبتحسيش غير نفسك و عُمرك م سمعتينى
خليني بحلم نعيش لو لحظة سوا..
ابعت رسايل للقمر و اقول بحبك للهوا..
خليني يكدب زي ما انتوا كتير كدبتوا.
يا بخت من حبيتوا و يندم اللي بـ ايدي سبتُه.
متدمعيش مبقتش تأثر فيَّ دموعك
مترجعيش خلاص قلبي كره وجودك
هتعيشي ايامك الجاية بـ كسرة عينك
مبقاش في حاجة اخاف عليها خلاص بيني و بينك
هتفتكريني و تتمني انك تبقي فـ حُضني تانى
اديتك مليون فرصة فـ انسي اني اسامحك تاني
الحُب راح و بالنسبالي انتي موتّي
كرهت كُل حاجة بتحبيها كرهت صورتي
التعليقات