مساحة إعلانية
ازاي بتقول نسيتها و هي كل ثانية ف بالك
مش بتفارق خيالك مرسومة فـ قلبك بقيالك
كانتلك الاميرة كنت ليها السلطان
غريق بحور حبنا مع اني كنت قبطان
اللي يحب مبينساش و انا حبيت بـ كُل ما فيا
كُل اما انام احلم انك رجعتي بين ايديا
ياللي كل كلام الحب اتعمل عشان يتغزل بيكي
ياللي سبتي قلب لوحده مش بيفكر الا فيكي
انا جيت و شاري اراضيكي ياللي نفسي انى اراضيكي
بدور عليكي كتير بس فيكي مش لاقيكي
لا انتي اللي انا حبيتها ولا اللي عايز ترجع
انتي قصادي واحدة تانية بتكدب و بتخدع
غير زمان ملاك و كل شئ جميل
تتمني اضحك و بتعملي المستحيل
دايماً فـ بداية الحب بنموت من السعادة
بنبقى اتنين تانيين غير الناس و غير العادة
بعد السنين ما تفوت بتروح الابتسامة
بنكون بايعين و نقول لبعض بالسلامة
لكن جوانا حاجة تقدر تقول علامة
لو سيبنا بعض تبقى هي مش سايبانا
نموت من الشوق مع اننا مش مرتاحين
ببقى عايز اخدك فـ حُضني لو شوية صغيرين
مهو دا هو المكان اللي بننسى فيه نفسنا
وعدت نفسي محدش غيرك يبقى هنا
اجمل واحدة مفيش جمال فـ يوم يفوقك
رغم اني بغني لكن محبتش اد صوتك
لما بتندهي بـ اسمي لما بشوفك تبتسمي
احساسك بيحسسني اني ملكت الدنيا رسمي
انا كُنت بخاف عليها اد خوفي عالحياه
حبيببى محسش اني عايش الا لما بكون معاه
طالما مش اد الحب ليه حبيتي و قولتي وعود
ليه قولتي مهما نبعد هيجي يوم و نعود
كنت شايفك بصورة بس طلعتي بـ صورة تانية
حبينا بعض سنين و الفراق جيه فـ ثانية
ساعات يوصل بيك الحب لدرجة الجنون
و تفكر فيها كل دقيقة و كل يوم
تروح مكان متعودين تتلاقوا فيه
تفتكر كلام دلوقتي مش هتلاقيه
زي انا هفضل جنبك، هبقى انا سبب سعادتك
انا و انتَ واحد ومش هتكون لوحدك
و فعلاً انتي فـ بُعدك عايشة معايا
جوايا حكاية فاتنتي مالبداية
كنتي كل شئ له معنى فالحياة
كنتي اللي قلبي اختاره و اللي عاز يكون معاه
كُنتي اديني بقول بقيتى كُنتي
كنتى بين ايديا دلوقتى منى روحتى
روحتي لـ بعيد ابعد ماممكن عيني تشوفك
لكن نسيتي ان روحي ساكنة روحك
اه على فكرة انا مش بعيش مرتاح
و مش هسمح يروح الناس عشان يقولولوا سماح
سايبك تلفي تدوري تجربي و تشوفي
نص طيبتي نص خوفي مش بقولك روحي
لو كنت قيسيت فـ بعض ساعات انا نسيت
و رجعت اصالح اقول عشقت انا و حبيت
كلام من واحد حب و نفسه يشوف تبرير
ليه اللي حب و اخلص اتباع عايز تفسير
ليه اللى بينا يضيع ليه ننسى الايام
ليه الحب يتحول لا و يبقى كره كمان
ليه احساسي بيكي يخوني و يطلع كدب
ليه فالنهاية قلبي يتهمني بـ اني سبت
حبيبتي كان نفسي تسمعيني
لو غضبت تحتويني ولما اغير تطمنيني
كان نفسي تبقي جنبي طيفك لسه ما سابني
عمر ما فراق حد اثر فيا او تعبني
بس انتي غير ايوة انتي غير
هجرتي بعدتي و خدتي كل الخير
فاكرة لما كنا نزعل نتصالح ب كلمتين
لما كنتى تقولى بحبك تضحكلى السنين
دلوقتى متفارقين و مش فارقين
عاندنا و بعدنا و قلوبنا حيرانين
بشوفها بتضحك قلبي ينط من فرحته
تمشي هي و يفضل قلبي فـ وحدته
التعليقات