كلمات اغنية محمد فضل – حلمك دخان

و مازِلت بتهرب م العتمة

و تستني الضَي

و مازِلت بتهرب م الكتمة

و تقول يا براح

و مازِلت بتضحك على روحك

و بتعمل حَي

بتبلبع أحزانك جملة

فتْكُح جراح

و مازِلت كعادتك مستني

و مَحدش جَي

و لاحدش حاسس بهمومك

ولا حد متاح

الشيب اتمكن مني

و أنا سِني يا دوب عشرين

أنا واحد حَبْ الوحدة

فمنين راح يبقي إتنين

و تعيش هربان ولا يوم تسأل

هربان من مين

ف تكمّل جري و مش عارف

رايح على فين

و ف نص السكة تدور

وبتهرب م المجهول

ف تبرر فشلك بظروفك

و تبرر خوفك بالغول

فتكمّل جري و تتمادى

و تحب بكونك هربان

و الدنيا بتسحب من روحك

و بتنفخ حلمك دخان

جواك يوميًا يتأصّف

و دراعك تعبان م البَرْي

تعبان و بتنهج و مِكَمّل

و نهايتك حتموت م الجري