كالعاده رجعنا تاني للشتا وصوت المطر
ونفتكر الذكري ونرجع ونقول ده نصيب وقدر
زي النهارده من سنه كان احسن يوم ف حياتي
بس النهارده كلو راح ف سهله عادي
ف اخر ديسمبر .. ما اتبقا لينا غير الذكري
والله تعبت ومش مستني ييجي عليا بكره
كان بنا وعود كتيره كان بنا حب كبير
بس انتي مشيتي انا ف بعادك مش بخير
والدنيا بتشتي السما بتمطر والشوارع فاضيه
طب فين كلامك انا معاك و ب اي حاجه راضيه
بس ده كان كلام .. انا كنت عايش معاكي ف اوهام
واخر رساله ف شاتنا .. إنساني سلام
ف قولت تمام سحبت سجايري ونزلت لوحدي
شايفها ماشيه جمبي بس ده بيتهيقلي
ولسا ف عقلي وقلبي ولسا شامم ريحتها
وانساها ازاي و ف خيالي لسا بشوف صورتها
'
رجع ديسمبر يفكرني بيكي وب ايامنا
رجع ديسمبر عدا سنه وانا لسا ف شاتنا
رجع ديسمبر .. بس انتي مرجعتيش
رجع ديسمبر .. وانا لسا منستكيش
'
2V : Mohamed KaPo
و ف كل ليل بيفوت عليا بشوف صورنا
وافضل اسرح فيها .. وافتكر وقت هزارنا
كل صورنا فيها مسكه ايد وضحكه لينا
وكل حاجه راحت .. والله الدنيا جت علينا
ف مشينا .. منغير ماحد يحس بينا
ودارينا وجعنا ياما واكتفينا بيه لنفسينا
كان بيني وبينها حاجات كتير وكلام كتير
مقدرش اخبي انا من بعدك مش بخير
عملت كتير عشانك واستحملت حاجات كتيره
وكل حاجه حصلت مني كات بدافع الغيره
بس انتي فضلتي تعاندي وتزيدي ف كبرياء ..
خسرتي حد حبك و السبب .. عند وغباء
انا نفسي ابقا تمام انا نفسي اكون كويس
انا نفسي اعرف انام انا نفسي اعرف اركز
دي كات تقولي ي بابا ف الناس بكون شيفاك
وكات تقولي دايما .. ي محمد انا عوزاك
'
رجع ديسمبر يفكرني بيكي وب ايامنا
رجع ديسمبر عدا سنه وانا لسا ف شاتنا
رجع ديسمبر .. بس انتي مرجعتيش
رجع ديسمبر .. وانا لسا منستكيش
التعليقات