مساحة إعلانية
ضلمت الدنيا فجاه كلو ساب ايديا ومشي
وفضلت انا ف مكاني كل الخلق دي بتبصلي
باصصلي ف اي ياعم .. انا تعبي ملوش مثيل
انا كنت ليهم سند فجاه باعوا لما لاقوا بديل
بتميل الدنيا بيا حالفه توقعني وتكسرني
انا كنت متعشم فجاه الكل بعد وهجرني
ف كل تراك بعد ماحكي وجعي اقولك سهله
وعهد الله مكانتش سهله حتا حوا طلعت بايعه
و ناس كتير تعيبك ف ضهرك وناس تعمل حباك
جرب تقع وتشوف .. مين اللي بجد اتبقا معاك
الوحده كات حباك .. الضلمه كات عشقاك
سيجارتك ابقالك يصحبي البشر دي مفرقاك
يارب انتا اللي عالم بيا هشموني وعابوا فيا
خلق كل غرضها اذيا انا محدش طبطب عليا
كنت ليكو ضهر و اختفيتو لما احتاجت ليكو
يلا ف داهيه .. انا لا يمكن اشتريكو
كلو هيبعد ويفارق خليك مغيب خليك بعيد
خليك وحيد اكرملك انتا ف وسطيهم غريب
مش كل واحد قال بحبك كان قاصدها بجد
خدها نصيحه من اخوك .. بطل تصدق حد
كل حاجه حواليا حالفه لتزعلني متبسطنيش
استكفيت وجع ولسا بتسال مالك اقول مفيش
ف سيبني وامشي اعيش اللي باقي مني جوا اوضتي
سالوني سبتو بعض لي مقولتش بس انتي قولتي
ومالقتش الحب اللي اتمناه ومشوفتش للحزن نهايه
مالقتش الدعم اللي احتاجته من كل الناس اللي معايا
مالقتش ف توهاني علامه ولا ضهر وراه حتا اتحامي
وفضلت لوحدي ف دوامه وانعدم الاحساس جوايا
وكل حاجه تعباني وعمري ما اشتكيت وبكتم
بفضل اكتم جوا مني بس انا اكتفيت
كسرتو فيا دمرتوني انا تعبان انا انتهيت
حبيت اكون لوحدي بقيت مبنزلش من البيت
انا اصلا هنا بس مهاجر و بزوركم من حين للتانى
بتكلم عادى عشان تهروا بسمعكم و بفك ودانى
بعاني من كلام كتير جوا مني مبحكيهوش
متشرفوش متتعرفوش معرفتكو كات فشوش
العيب عمره ماكان ف الدنيا العيب فعلا فيكو
لو كنت لقيت حبكو ليا انا كنت فضلت ف وسطيكو
مش عايز منكم حاجه انا بس عاوزكو تحسوا بيا
كتر الزعل حطمني انا نفسي افوق من اللي فيا
والسنادي مختلفتيش كتير عن كل سنه
الحال بيسوء هتحلي و تروق ونا لسا زي منا
ف عادي سهله و مش فارقه لسا فيه اي مخسرتهوش
وكل سنه ونا لسا لوحدي واللي سابو لسا مرجعوش
معجزه انك تلاقيلك صاحب زي صحبي معجزه
كنا نشوف عدم سلكان ونفضل ثابتين علي وضعنا
كلو كان بيبعد عني واللي اتبقالي عمر صحبي
انا عارف مين معايا ومين عليا ومين ف ضهري
التعليقات