ياناس الناس مابقتش ناس
عايشين ومش عايشين
لابسين قناع شيطان في شكل بني ادمين
دورت بين الناس ملقيتش ف وسطهم
لاحب ولا اخلاص القسوه ف قلبهم
مابقاش في احساس دلوقتي بين الناس
اتغير طبعهم
اللي يخونك واللي يغشك واللي يقول العيبه في وشك
واللي يبيعك علشان نفسك
واللي يصاحبك علشان قرشك
واللي يدوس الناس بفلوسه تيجي عليه الناس وتدوسه
قبل ماتنسي عينيك النوم
تنسي الحلم تلاقي كابوسه
ناس بتجوع علشان مش لاقيه
ناس بتدور وتلف ف ساقيه
ناس دايما بتزل ف روحها
علشان تفضل عايشه وباقيه
ناس المال ناسها سينينها
ناس الفقر مطلع طعينها
ناس بتصون النعمه ف ايدها
ناس ماتحسش باللي ف ايديها
ناس الدنيا ضاقت بيها
ناس بتتعذب من لياليها
ناس بتسيب الدنيا بحالها
ناس كتير عايشه ليها
ياللي ماشفتش انزل شوف الدنيا دي مليانه ظروف
بس في رب كبير بيحاسب
حاسس بيكم يابني ادمين
التعليقات