أنا الشخص اللي في الصوره
بتحرك بكرسي رجليا مبتوره
وكل أحلامي إني أفرح ولو مره
لكن دايماََ كل رغباتي مكسوره
قوي جداََ وبتحمل
وشيلت هموم وبستحمل
وبيتكلموا عني على إني أسطوره
بعاند الدنيا وتكسرني وأكسرها وهي اللي دايماََ بتكسبني وترجع بعد كل صراع بينا مجبوره
ومابستسلمش وانا الغرقان
وبتنفس كما البركان
نار جوايا بتحرقني وتقتل فيا كل أمان
أنا الإنسان اللي جوايا متدمر
والكل حوليا بيتأمر
واقول حاضر
مش خوف مني والله لكن جبر للخاطر
مع إني دايماََ خاطري أنا مكسور
مافيش حد حتى فكر يجاملني
ومطلوب مني دايماََ أراضي الكل
وفي عز الحزن براضيهم وطول عمري رغم قسوتهم براضيهم
وبسقيهم من قلب الحزن حنيه وخيرهم عمره ماكان ليا
وأنا المحتاج حنيه
ومافيش شيئ بإيديا
فوضت أمري للرحمن
التعليقات