أخرج من البيبان الحر الضيقة
الكون صابح جميل والدنيا مروقة
بترشرش ع الولاد
ع الحلم في الحارات
رشت ع البيبان
ع الزحمة في الميدان
رشت ع البنات
ع الكحل ع الحاجات
ع الكحك في الصاجات
وقمصان الشقى
أخرج من البيبان الحر الضيقة
الكون صابح جميل والدنيا مروقة
..
خوفك مش قدر
وهروبك مش طريق
قلوعك لو ورق
ما تنجيش غريق
طير زي النسور
من النخل للكافور
غوص جوه البحور
وهات اللؤلؤة
أخرج من البيبان الحر الضيقة
..
كل شئ بيدبل
لوحده في الخريف
عيش سنين شبابك
بقلب مش ضعيف
ده الحلم نار ونور
لو ثار الكون يثور
اضحك وارقص ودور
وافرح باللقا
أخرج من البيبان الحر الضيقة
الكون صابح جميل والدنيا مروقة
التعليقات