آخ اخذني لدنيا عيونك هاي الدنيا مو حلوة
وطشرني بتفاصيلك حسسني العمر يسوى
آخ أريد بليلي أكشخ بيك وأشر ع القمر مالي
وأقول للناس محبوبي هذا اللي بالسماء يلالي
آخ عطر خليني بهدومك طشني لحضرتك فدوة
إنت أول شمس ع القاع خلتني أعشق وأهوى
آخ حلم حققتك بتعبي وأبد مو سهل بس جبتك
سويتك نبض قلبي وتصعد بالنفس عفتك
بحبك عمري صار أحلى ومعنى صار لأيامي
من شفتك وكل الخير ربك جابه قدامي
آخ اخذني لعالم إحساسك عيشني بدفو أحضانك
أحبك من تقول لي إنت شكر يطلع من لسانك
آخ واصل مرحلة بحبك صاير تمشي ويّا الدم
حروف اِسمك أشم بيها شايف لك اِسم ينشم
آخ مصدر طاقتي عيونك وحبك صار دستوري
عطر شعرك اللي كأنه الليل فدوة يروح له الجوري
آخ صعبة الدنيا بغيابك ما تنعاش من دونك
وأنا شعندي بالدنيا الله وأمي وعيونك
تسوى أتعب لك وأصبر حلمي ولازم أوصل لك
لو دولة إنت أتمنى أقاتل راح وأحتلك
التعليقات