كلمات اغنية مدحت صالح – الدنيا لو هتيجي

الدنيا لو هتيجي ... هتيجي لوحدها

في ناس بتسيبها تيجي .. وناس بتروحلها

لا فرح دايم فيها .. ولا حزن دايم فيها

يعني لا تزعل عليها .. ولا تزعل منَّها

الدنيا علمتني .. م اندمش ع اللي فاتني

ولا ادور ع اللي راح

أفرح من غير م ابيِّن .. وأحزن من غير م ابيِّن

واتعلِّم م اللي راح

أداوي جرح غيري .. وأخاف من جرح غيري

وأنا عارف إنها

لا فرح دايم فيها ولا حزن دايم فيها

يعني لا تزعل عليها ولا تزعل منَّها

الدنيا يا عم دنيا .. تدي وممكن في ثانية

تاخد من غير حساب

بتفرح ناس شوية .. و تزعل ناس شوية

زي م قال الكتاب

سلِّم لله أمورك ... بس انت قوم بدورك

واتأكد إنها

لا فرح دايم فيها ولا حزن دايم فيها

يعني لا تزعل عليها ولا تزعل منَّها