لما الحياة تقسى عليك
وتحبسك جوّات غرفة
تشعر بلحظة تعبت واستسلمت
مش قادر تكفّي
وتفهم ساعتها كيف
انو الفرح والضحك والألفة
الهن تمن ما كانوا بالصدفة
تدوّر متل غرقان على برّ الأمان
قلبك يقلك ضلّ حاول بعد نتفة
كمّل حياتك كمّلا
ما عاد تطلّع ورا
في اشيا بيكتبها الوجع
بين السطور بتنقرا
كمّل حياتك كمّلا
ما عاد تطلّع ورا
في اشيا بيكتبها الوجع
بين السطور بتنقرا
بيخلق من الواقع حلم
ومن الضعف قوة
بدّك عتم تيحترق
نجم بسما ويضوي
تأمّل بِعينين الرضا
بتشوفها حلوي، حلوي
هيي الحياة طول عمرا هيك
بتعلّمَك إيامها الصعبة
كذبة الفرح عطول
مهما تطول لا تصدّقا الكذبة
كفّي وما عندك حلّ
حسبها الدني كأنها لعبة
صدفة وقلق هديّة بقلب علبة
كمِّل بِوجّا وقاف
بتوقع إذا بتخاف
حطّ الأمل عشفاف
صوت الوجع خبّي
كمّل حياتك كمّلا
ما عاد تطلّع ورا
في اشيا بيكتبها الوجع
بين السطور بتنقرا
كمّل حياتك كمّلا
ما عاد تطلّع ورا
في اشيا بيكتبها الوجع
بين السطور بتنقرا
بيخلق من الواقع حلم
ومن الضعف قوة
بدّك عتم تيحترق
نجم بسما ويضوي
تأمّل بِعينين الرضا
بتشوفها حلوي، حلوي
التعليقات