أنا حسألك جاوبيني بصراحة
هل يعني وإنت بعيدة مرتاحة
طب فيه مساحة تسألي واحشاك
طب فيه مساحة تخلقي مساحة
الورد لونه رمادي في غيابك
والوضع متلعبك ومتشابك
أنا مش بقول لك ترجعي لكن
أنا بطلب منك تراجعي أسبابك
هو الفراق ده حباله واصلة لفين
شايفك في نظرة كل قلب لعين
وفي كل عين بقابلها في الشارع
إحنا افترقنا ولا متخاصمين
من غيرك بقيت غريب
غريب، غريب ييه
لسه العيون بتوه مع التفاصيل
لسه الجميل بيقول عليّ جميل
طب عارفة أكثر حاجة محتاجها
كتفك في كتفي عشان بدأت أميل
قلبي الغريب عني بيسألني
كان قصدك إيه يوم ما مشيت
وعينيّ في المرايات بتقتلني
إزاي قدرت أقول أنا استغنيت
بقيت غريب، بقيت غريب
غريب ييه
سايباني وحدي و وحدي ناقص روح
بصرخ ولكن مفيش أثر لجروح
مكتوب على القلب مغلق للأبد
لكن حتيجي حتلاقيه مفتوح
بقيت غريب، بقيت غريب
التعليقات