حيت ديما كتشوفا غير مزوقة
كيف ما ديما الناس مجوقة
عمرك تشوفا كيفما كنشوفوها من تحت ماشي كيفما فوق
على بالك بلي الراس مبوقة
على بالك بلي تحت معوقة
على بالك بلي شحال من واحد عينو فيها باغي الفرصة باش يحرقا
شحال من واحد تاقت فيه و سرقا
شحال من واحد باعا غير بالمرقة
شحال من واحد خارج يهدر على حقو و شحال من واحد خارج باش يفرقا
دابا عاقت بلي غير كنافقا
بلي داخل طامع غير فرزقا
و بلي ما شاف منا غير الدمعة و الدم و باقي من قلبو كيعشقا
ملي بلادي تولي قصح من الغربة
ملي حياتي فيها تولي كمبا
ملي مايبقالي فيها والو ماخاسر والو كنولي غير بمبا
آجي عيش معانا اذا باغي تفهم
وريني كيفاش تحضرلي درهم
كين الحبس و مقابر عاندك قلب تغامر؟ وريني كيف تخرج من جهنم
آجي تشوف سنينا كيف يفوتو
أجي باش تشوف كيفاش نموتو
أجي تشوف الپوڤري كيف مكرفص صاطم على نفسو باش يدخل قوتو
أجي معايا فتح عينك و زومي
قرب مني باش تفهم همومي
أجي عيش معايا غير نهار و ليلة باش تقارن بين يومك و يومي
أجي معايا شوف بعينك و ما تلومني
الدراري بين الزناقي عايشين كيف الزومبي
ما على بالي بيك ولا اللي معاك يبغيوني
خوتي نشوف الحالة ديالم يبكيوني
أجي معايا.....
خوتي فوق الفلوكة
خوتي تحت الرموكة
خوتي تاقو فالموت ملي الطموح يتبلوكا
جيل كفكر يبراكي البنوكا
كلشي باغي لاڤيدا لوكا
كلشي ولى القدوة ديالو پابلو الپاطرون دالكوكا
قلي شكون اللي دخل الضروكا
الشباب ديالنا كامل عامل اليوكا
المجتمع ولى غابة باش نعيشو فيها خاص على كتافي بازوكا
جنراسيون كتسيل ريوكا
خلات غير الشيطان اللي يسوكا
ماعلى بالا بلي كاين الدنيا و الدين و لاڤيدا عاشوها الكنوكا
ولد بلادي قاري و غير بطالي
بطالي فالحومة غير مكالي
ملي ما تبدل والو بنادم ولى كاشف و بالي
ما ضاع والو غير العمر الغالي
كلشي ديالك حتى حاجة ما ديالي
مالو مالي ولى مالك ملي ماعلى بالك بيا ولا أنا مالي؟!
مساخط حنا ولا الدنيا مسخوطة؟
تفلسنا حيت الحياة سلكوطة؟
ولا نتا اللي خليتينا فقرا ولا الميزيرية فينا مزعوطة؟
هذا الفقر كغني بلا نوطة
باش تفهمني فك ودنك مربوطة
أجي معايا نتا هو راس الخيط شوف الحل قبل ما تتخبل الخيوطة
اجي معايا شوف بعينك و ما تلومي
الدراري بين الزناقي عايشين كيف الزومبي
ما على بالي بيك ولا اللي معاك يبغيوني
خوتي نشوف الحالة ديالم يبكيوني
اجي معايا....
التعليقات