ياعصير قصب حلو مسكر
ياغالي وأغلي من الكافيار
بنسمع اسمك بنشكَّر
ونغني ونشعر أشعار
يامصطفي يامصطفي انا بحبك يامصطفي
بتيجي ييجي النور وبتمشي نلاقي هوب النور اطفي
ياعيني اه ياليلي اه
الله عليه الله
بيبرق زي الالماظ
من جواه وبراه
بنسمع اسمك بنشكَّر
ونغني ونشعر أشعار
ياأصل ومالوش ولا نسخه
يالحن بيقسم تقاسيم
القعده من غيرك ماسخه
زي الفرح من غير معازيم
في القلب قاعد ومعسكر
لا ليك شريك فيه ولا ليك جار
سيرتك تصفي المتعكر
والعكننه بتقلبها هزار
التعليقات