.
ﻛﺘﺒﺖ ﻟﻴﻚ ﻻ ﺑﻴﻨﻲ ﺑﻴﻨﻚ ﺭﻳﺪﻩ ﻻ
ﻗﺼﺔ ﻏﺮﺍﻡ
ﺍﺧﺘﺮﺕ ﻟﻴﻚ ﺍﺟﻤﻞ ﺣﺮﻭﻑ
ﻭﺍﺻﺪﻕ ﻓﻮﺍﺻﻞ ﻧﺎﺩﺭﻩ ﻓﻲ ﻟﻐﺔ
ﺍﻟﻜﻼﻡ
ﻻ ﻗﺼﺪﻱ ﺍﻟﻬﻮ ﻣﻌﺎﻙ ﺑﻲ ﻛﻠﻤﺎﺕ
ﻏﻨﻰ
ﻻ ﺣﺮﻭﻓﻲ ﻟﻴﻚ ﻣﺮﺟﻴﺤﻪ ﻣﻦ
ﺷﻌﺮ ﺍﻟﻐﻤﺎﻡ
ﻭﻛﺘﺒﺖ ﻟﻴﻚ ﻭﺍﻟﻠﻪ ﻳﺎ ﻗﻤﺮ ﺍﻟﺰﻣﺎﻥ
ﺷﺎﻥ ﺟﻴﺘﻲ ﺑﻲ ﺯﻣﻦ ﺍﻟﻤﺤﻨﻪ
ﻭﺷﻔﺖ ﻓﻲ ﻋﻴﻨﻴﻚ ﺣﺲ ﺍﻫﻠﻲ
ﺍﻟﻘﺪﺍﻡ
ﻭﻛﺘﺒﺖ ﻟﻴﻚ ﻭﺍﻧﺎ ﺟﺎﻱ ﻣﻦ ﺯﻣﻦ
ﺍﻟﺸﻘﺎ
ﻣﺮﺳﻮﻡ ﻋﻠﻰ ﻭﺵ ﺍﻟﺜﻮﺍﻧﻲ
ﻣﻈﻠﻼ
ﺗﺘﻤﺪﺩ ﺍﻟﺴﺎﻋﺎﺕ ﺳﻨﻴﻦ
ﺗﺘﻔﺘﺢ ﺍﻻﺣﺰﺍﻥ ﻏﺮﻳﺒﻪ ﻭﻣﺬﻫﻠﻪ
ﻭﺍﺷﺘﺎﻕ ﺍﻓﺘﺶ ﻧﺴﻤﻪ ﻓﻲ ﺍﻟﺰﻣﻦ
ﺍﻟﻌﺬﺍﺏ
ﻭﺍﻳﺎﻣﻲ ﻣﻦ ﻛﺘﺮ ﺍﻻﺳﻰ ﻭﻛﺘﺮ
ﺍﻟﻌﺰﻭﻑ ﻭﺍﻻﻏﺘﺮﺍﺏ
ﺻﺎﺭﺕ ﺣﺮﻭﻑ ﻣﺘﺮﻫﻠﻪ
ﻛﻠﻤﺎﺕ ﺍﺳﻴﻔﻪ ﻭﻣﻬﻤﻠﻪ
ﻭﻛﺘﺒﺖ ﻟﻴﻚ ﻭﻛﺘﺒﺖ ﻟﻴﻚ
ﻭﻭﻗﻔﺖ ﻟﻴﻚ ﻻﻣﻦ ﻟﻘﻴﺘﻚ ﺟﺎﻱ
ﻓﻲ ﻗﻠﺐ ﺍﻟﻄﺮﻳﻖ
ﻭﻟﻤﺤﺖ ﻓﻴﻚ ﺭﺍﺣﺔ ﺍﻟﻤﺸﺎﻭﻳﺮ
ﺍﻟﺒﻌﻴﺪﻩ
ﻭﻟﻔﺤﺔ ﺍﻟﻨﺴﻤﻪ ﺍﻟﺤﻨﻴﻨﻪ ﺍﻟﺠﺎﻳﺔ
ﻣﻦ ﺟﻮﻑ ﺍﻟﻤﻀﻴﻖ
ﺣﺴﻴﺖ ﻋﺠﺎﻳﺐ ﺍﻟﺪﻧﻴﺎ ﺍﺗﻠﻤﺖ
ﺑﻘﺖ ﺟﺎﻳﺎﻧﻲ ﻣﻦ ﻋﺼﺮ ﺳﺤﻴﻖ
ﻋﻴﻨﻴﻚ ﺣﺲ ﺍﻃﻔﺎﻝ ﺑﻨﺎﺩﻭ
ﺍﻟﻘﻤﺮﻩ ﻟﻠﻐﺎﻳﺐ ﻳﻌﻮﺩ
ﻭﺟﺒﻴﻨﻚ ﺍﻟﻀﻮﺍﻱ ﺣﺠﺎ ﺣﺒﻮﺑﻪ ﻓﻲ
ﺍﻟﺰﻣﻦ ﺍﻟﺴﻌﻴﺪ
ﻳﺎ ﻗﻤﺮﻩ ﺍﻗﻠﺒﻲ ﺍﻟﺴﻨﺴﻨﻲ ﺍﻟﺤﻤﺮﻩ
ﺷﻮﻓﻲ ﺍﺑﻮﻱ ﺟﺎ ﻭﻟﻪ ﻣﺎ ﺟﺎ
ﻭﺍﻧﺎ ﻓﻲ ﻗﺴﺎﻭﻩ ﺍﻟﺰﻣﻦ ﺍﻟﻤﻮﺣﺶ
ﺍﻟﻤﻜﻬﺮﺏ ﺑﺎﻟﺤﺮﻳﻖ
ﺍﻧﺎ ﺣﻴﻠﺘﻲ ﺍﻳﻪ ﺍﻧﺎ ﺣﻴﻠﺘﻲ ﺍﻳﻪ ﻗﻮﻝ
ﻟﻲ ﻳﺎ ﻗﻤﺮ ﺍﻟﺰﻣﺎﻥ
ﻏﻴﺮ ﺍﺗﻜﻲ ﻭﺍﺣﻠﻢ ﻣﻌﺎﻙ ﻭﺍﺣﻀﻦ
ﺍﻣﺎﺳﻲ ﺍﻟﺼﺤﻮ ﻭﺍﻻﻣﻞ ﺍﻟﺒﺮﻳﻖ
ﻗﻮﻟﻲ ﻟﻲ ﻳﺎ ﻗﻤﺮ ﺍﻟﺰﻣﺎﻥ ﺍﻧﺎ
ﺣﻴﻠﺘﻲ ﺍﻳﻪ ﻗﻮﻟﻲ ﻟﻲ ﻳﺎ ﻗﻤﺮ
ﺍﻟﺰﻣﺎﻥ
التعليقات