عدى القمر خد مرساله و دمعتين م العين سالوا
يا ابو الليالي يا ليل يا حزين، ما تصبره على مواله
روح يا عيني غلب حاله عيني يا عيني على العاشقين
وليه يا ليالي احكي قولي ساكتة ليه
ليه يا ليالي الصبر آخرة صبري ايه
جاي قمري ولا غيري لاف عليه
جاني قمري ولا قمري شاف عينيه
و روح يا قمر قبلك كتير راحوا
روح يا قمر تعبوا ولا ارتاحوا
سلّملي عليه حلّفلي عينيه
علي قد ما جرّح قلبي معاه يرحم بقى جراحه
وليالي طويلة وليل ورا ليل والآهة بترميني
يا حبيبي تعالى كفاية رحيل وكفاية عذابي اللي ماليني
روح يا قمر الليل أمانة للي ناسي الشوق وناسيني
يا حبيبي عنيك وحشوني وداب قلبي ف سكة لياليها
ضيعت عليك العمر عذاب لانا لاقي طريقي ولا لاقيها
خد يا قمر غنوة لحبيبي بس لو يفهم معانيها
التعليقات