ولهت لشوفة عيونك
كرهت العيش من دونك
تعال وبعثر شجونك
انا والله لك محتاج
انا اللي بالغلا شاريك
ومن بدّ البشر هاويك
واشوف العمر بين ايديك
يا نور في الزمن وهاج
على وصلك سهرت الليل
ماعاد لشوق قلبي حيل
يشوف من الحنين الويل
يجامل ضحكته باحراج
ماشفت العين في وداعك
تبي تغفى على ذراعك
حرمني الوقت ولا طاعك
واسرني ولا نوى الافراج
تعال لعالمك خذني
ولا تبعد وتتركني
ترى الاشواق ترهقني
تلعبي مثل الامواج
احبك حيل يا روحي
يا بلسم قلبي وجروحي
يا سبّة نظمي وبوحي
يا غيمة مزنها ثجاج
رويت بوصلك وحبك
وغنيت بشوقك وقلبك
واماني العمر في قربك
ينور دربها بسراج
الا ليت العرب يدرون
بحب داخلي مصيون
ربى في محجر العيون
على عهد وعلى منهاج
بسولف به الين الموت
مادام ان الغلا مثبوت
ويبقى لي شراب وقوت
ويبقى للفؤاد علاج
التعليقات