Ot Karmoz only one
ولاد الحرام بتوع الكلام
بقوا في الزمان ده يا ناس حكام
أما الأصيل شال حمله شيل
بقى ماشي مغلوب من الأيام
آه يا عين يا ليل على الزميل
اللي عشانه أنا شلت الطين
دنيا هلاك فيها العراك
لمع وسيط بني آدمين
راجل على الأصل إتأسس
ده بلال خميس شاب كويس
كترت قدامه تتكيس
علشان عنتيل
من يومه معروف أسطورة
مشهور وأساميكو مغمورة
الزعيم ده بلال عصفورة
راجل تقيل
فتحي ناصر ده المتسيط
هتزوله دغري هتتخيط
هتصيع هتتجاب متربط
فوق يا عويل
رايحين لفين مش فاهمانين
الدنيا ناوية معانا على إيه
تضحك يومين تقلب سنين
ما بقاش في خير في الدنيا دي ليه؟
آه من الفلوس عمت النفوس
خليت عويل يتقاله يا بيه
أما الفقير محفورله بير
والدنيا عمالة تيجي عليه
أنا قلبي من جرحكو عبى
بتمنى أموت وأسكن تربة
العيشة كانت وياكو غربة
كنت وحيد
أصحاب مريضة بالبارانويا
وقلوبها مدهونة بالبوية
تسلم عشان قلت يا أبويا
إبعد بعيد
يا ست الكل يا بيوتي فور
بت إنتي أجمل بنت في مصر
وحش الوحوش عودك مطروش
أنا جوة قلبي بانيلك قصر
مفيش أجمد مني هاجيلك وأغني
أنا والله مجنون وأعملها
يا جماعة ديه هي اللي ليا
أنا عادي أموت نفسي عشانها
بطلت صرمحة هفضالك
ما هي والله مش ناقصة جنانك
مين بس زيك في جمالك
يشغلني عنك
أنا وإنتي بس لبعضنا
هنعيش نكمل حبنا
ونربي بنتنا وإبننا
ويطلعو زيك
إحكم يا قاضي مش فارقة عادي
أنا جوة برة برنس هعيش
بس الحكاية إنك ظالمني
ليه يا عم عندك رحمة مفيش
يرضيك يا شيخ إن أنا أشوف
أمي عشاني بتبكي دموع
وتقول بريء ليه يخش ضيق
قلب أم وإبنها بقى موجوع
صرخة بريء في الزنزانة
بيقول يا رب إبقى معانا
الحبسة صعبة أوي أمانة
يا رب فك الضيقة
في الأوضة يابا كله مسحر
الكل نايم ومفتح
أخصام في أخصامها بتجرح
الخبطة تيجي في دقيقة
يا اللي الحديدة قويت قلوبكو
وآخركو تندبوا في أستوريهات
إنتوا آخركو شبل يعاملكو
ما أنا أصلي مش هقف لبنات
سحبت قطر تفلق وشوش
اللي عامل بطل الأبطال
أنا قلبي مات أنا مش هحل
خصمي ده عينه إتكويت ضاع
طب ما تقولولي هفرح إمتى؟
ليه ضحكتي بتجيلي غلطة؟
ولا عشان معيش واسطة
هفضل حزين
أنا عندي واسطة إسمها جدع
خليتني أشوف في حياتي بدع
خليتني عمال بتلدع
من البني آدمين
التعليقات