ماردت على سؤالي الكواكب ولا شافتني بجواب النجوم
تركت القاع والحلم ماضاع ضليتني متمسك بكل الخيوط
ماسك بمكن ادين الاخطبوت عابر و شاعر أديب وماغوط
معترف وعايش جوات الصراع بعد ما ربطتني كل القيود
بنيت البناء وانهد بنائي وازدادَ عنائي وطال المُحال
لم تخذُلني نفسي لأنها كانت والآنَ مازلت نفس لا تهاب
ويبدوالمستحيل ليس بزائف
ويوجد قيود نوقع عقود
وتمضي العقود نجمع بالنقود
نرتدي الياقوت ونبني قواعد
سامع فيني ولا مانك لامح ترضى بوجودي ولا ماترضى
صقر دمشقي الطير جامح والوقت صعب اخرتو بمضى
غربتلي ضايع على كتفي شنتا والطيبه ضعفي لهيك قتلتا
والغربه فاجره انا ما اغتصبتا انا ما ازيتا لكن ضربتا
والطاقه ما خلصت لسا القلم شغال جابرني انصت
كوابيسي كلا أوغاد بوصله ضايعه جوا ابعاد
اسطوره متل كتُب الاساطير ما نصت
وحياتي مقلوبه بس بلا تفسير
لحظاتي محسوبه عم تنقص بكير
والرحله مرسومه لكون الأسير
والشعرة اللي قسّمت ضهر البعير
محاوط بجنس غير بشري
فيك ببيع ومابيشتري
وماحدا فيكن مرباه العز وكلو عم يطمع بعشمي
والعشم قاتله يرمي بلاه بس ظلم نفسه و ماظلمناه
خوف من الله انا عبد الله منصور بالله بعفو الله
يا يا الله يا يا الله
بتعرف بأني ماقدرت انسا الحاره اللي ماحبيتا مانسيتا
تخيل لسعتا بذاكرتي لسعتو اسمي مرسوم على حيطا
واطلعنا من الغلط اللي نجربنا نوقع فيه طلع في عالم معلق ماسقط
موجود الخير لسا في مبدأ بطل في شرف
كلو انباع
ماعدت عم افرط ولا لف بالورق بأول الفتره لازمني الصداع
شخصيتي عم تقوى من بعد الخداع وضعيه الهجوم من بعد الدفاع
ما بحب ألعب دور المظلوم ولا ظبطت معي المكلوم
انا المأجور ونفسي وغلط
بس مجبور ببحور ضلني عم ضمد جراح حتى اشفيها
ابو وديع طبيب جراح قلوب الناس بداويها
شيبت شعري الاغاني
هل ياتراني شو بتعرف عن الساعات
والثواني السماعات وانا رضيان والله الغاني
عايش معاكم للأسف اجباري
والحظ ماحالفني للاقي تفسيرا
ياشعب المصالح اللي بيعبد الليره
يا سمكن الاسود اللي مفعولو ساري
لو بروح قتيل
لاني ريل صاحب الظل الطويل
ناحت الصخر بأزميل يازميل
قاطع البحر بالميل طير ابابيل بيشيل
حجارة من نار والتار رح اخدو لو نام سنين
والعاصفة فيني اعصار والنار بتمي تنين
زاد النزيف طب كيف
اسرارك اللي بتاكلك لمين بتحكيها
مافي حليف يالطيف الطافك بعبادك اللي ماعاد فيا
والجسم ضعيف تخويف واللقمة مابيعرف كيف يخبيا
ببنوكة مافي تصريف والعملة اللي نزلت شو بعليا
تعبت على حلمي وشقيت وماكانت بالسهل رحلتي
سهرت الليالي وعييت انا والصحبة اللي قدرت صحبتي
ماردت على سؤالي الكواكب ولا شافتني بجواب النجوم
تركت القاع والحلم ما ضاع ضليتني متمسك بكل الخيوط
ماسك بمكن ادين أخطبوط عابر و شاعر أديب وماغوط
معترف وعايش جوات الصراع بعد ما ربطتني كل القيود
بنيتُ البناءَ وانهدَّ بنائي وازدادَ عنائي وطالَ المُحال
لم تخذُلني نفسي لأنها كانت والآنَ مازلت نفس لا تهاب
ويبدو المستحيل ليس بزائف
ويوجد قيود نوقّع عقود
وتمضي العقود نجمع بالنقود
نرتدي الياقوت ونبني قواعد
التعليقات