بعد فترة هبقي إسم منزلي
مش هغرف أكلي هعين واحدة عشان هي تحطلي
إحساس غريب إنك تتولد عارف إنك أسطورة.
مش ورا فلوس عايز بس تبقي صوت لجمهورك.
عايز توصل منظورك لواحدة أمورة.
ياريت مش مشهورة، ياريت من المنصورة.
و شوية غيورة، بفنك مسحورة،
و نخلد اللحظة، نبروز الصورة.
و نبلش قصتنا، الكلمة محفورة.
محفورة في ذهني دايما، كلمة إني عيل أهبل.
لما بحلم تيجي صدفة، كل حاجة تيجي بكرة.
كل ده يبتدي نطفة، كل كتاب إبتدي نقطة.
إللي فيكو تبانله سهلة، يبقي سوري إبن جاهلة.
خدت مني وقت و تفكير متبقاش غشيم son.
عجز بقي عن التعبير طلع machine gun.
عمر نشن و إضرب في المليان.
مش هصوب مش قلقان.
طلقي و رصاصي ده خسارة فيكو أصلا.
فاكرين ده كلام كل رابر.
فاكرني زي صبحي لما كابر.
باراتي في الجون هدف مباشر.
بن لادن في الطيارة hijacker.
أعزائى الركاب أشد إنتباهكوا ثانية
كلامي ليكوا أقولوا مش هعيدوا مرة تانية.
الطيارة اللي انتوا فيها هس إوعوا تجيبوا سيرة،
في خلال ٢٠ دقيقة هتحسوا بكام تفجيرة،
جامدة كبيرة، جمبك بيرة؟ إرميها إدي كام تكبيرة،
بدل مارمي خالتك بيها لو لقتها فخبيها.
أو إخفيها، ماتعدش تقاوح فيها.
الطيارة بتقع بينا، سوري بيكو.
إزاي أخلص أنا رسالتي ليكوا؟
جبتها.
عاليمين و عالشمال مفيش سلالم.
شكرآ لإختياركوا أير موسالم.
موسالم موسالم قلنا .
عايزين نبقي زيك كلنا.
موسالم موسالم يا كبيرنا.
عايزين من عظمتك صبلنا.
عامل في الscene أزعرينا
مش قوي الأكوافينا.
أنتو salty زي سيوا.
و أنا في مزارع دينا.
بارات زي المياه بتجيلي بتفاني.
أنا الأول و غيري dasani.
بارات تجري بسرعة إنطلاقة الtesla
صافي صفاء ذهن يشبه الnestle.
سمعتوني عرقتوا زي الحر في دبي.
أنا عراف أحكيلكوا إللي جي؟
هحكيلكوا إللي جي.
بعد فترة هتبتدوا تحبوني
واقف في زوركوا عامل أنا زي شوك البربوني.
هتعوزوا لقطة فوقتها هتبتدوا تنافقوني.
موهبة هابطة محصلتش إن تحلموا تنافسوني.
كلامي صعب يتبلع،
و كل بار هقولوا يوصل بعرضه أو بطوله جوة كل واحد فيكوا في نار هتندلع.
مفيش بار كان دلع.
سايب ألسنة مدلدلة كأني مسمط.
داخل أمخاخ مقفلة كأني مشرط.
كان جواية إزاي الكنز ده، كأني بشرب.
في وجودي أرواح متنشنة، كأني بهبط.
مش بهبط، بقلع بطير.
بجرب بطلع خطير.
بهدا شهيق زفير
إهدا شهيق زفير
شهيق زفير
بس، كنت بقول إيه؟
موهوب، معايا فلوس و في آلاف بيبجلوني
مكتوب في شريط حياتي العلامات بيأكدولي.
مطلوب كالمحامي الجماهير بيوكلوني، بيقلولي
موسالم موسالم قلنا، عايزين نبقي زيك كلنا،
موسالم موسالم يا كبيرنا، عايزين من عظمتك صبلنا.
عايزينك تلمحنا بصلنا.
بس أنا مش فاضي و لو عندي وقت مش راضي.
عينيا شايفة مستقبل، مصبوغ جماله بالماضي .
مشغول برص عمدانه، طوبه، حيطانه، و ألوانه.
شايفين كلامي و أوزانه، حاسين بالقلب و فقدانه،
براب عشان السكوت ، و لو بطلت هموت
ولو مشيتوا بسرعتي، توصلوا وقتي مضبوط؟
لا مش مضبوط، مفيش مفروض
كلام مضمون، بلا مضمون،
لا مش فلوس، لحظة سكون.
جرب و دوس، جايز تطول.
جايز تكون، ملك للكون.
سنتر و شوط، ناحية الجون.
سمعت صوت، دخلت زون.
عليت الصوت، ده كان بيقول.
مستعجل مستعجل،
ليه مش دلوقتي.
مستعجب مستعجب.
إملوا محفظتي.
عايز أعرف، عايز أعرف.
جية بس إمتي.
إهدي بس إهدي.
إصبر بس انت.
بعد فترة أطول سنة هتوفي.
هيبقي في ملايين واقفنلي برة المستشفي.
الله يرحمه قلبه كبير و فوقيه دماغ ناشفة.
ساب ميراث لكل الناس إللي لمسها أو شافها.
أو دي أحلامي، الله عالم.
يمكن أوهامي، هفضل حالم.
لحظة إلهامي، طاير في العالم.
مع قبلاتي، مستر موسالم.
التعليقات