ماكنش نفسي أكون شبهك بس للأسف بقيت
بحاول أتكلم بس ساكت وأنا بتنفس تحت زيت
فا أنا مش فاهم اللي بيحصل بس أنا تعبان وخايف
صوتي مكبوس لان فيه كابوس بيضحكلي وواقف
مش حاسس بس عقلي بيتسحب مني بسهولة
هتبقى مجنونه معاك وهتبقى مجنونه من دونك
مسؤولة عن كل حاجه بتحصل هي مش مسؤولة
جسمها بيتحنط لوحده وهتلاقيه جوا تابوتك
حتى لما تيجي تموت هتلاقيها معاك موجودة
موضوع مخيف هي جابتك وهي سبب موتك
بتكلم عنها دلوقتي صدقني بحاول أكون حيادي
الذنب مش ذنبها بس بوظت حياتي
بخاف أبصلك في عينك لموت من الخوف
بضحكلك لما بتضحكي خوف من الموت
بس مفيش معاني للضحكة في عيونك أنا شايف ده
عقلي بيتسحل معاكي وقلبي بيتقلب لفحمة
لان الموضوع مش منطقي، بصيلي في عيني
عارف إني بخاف بس عادي هستحمل قوليلي
إزاي بقيت كده أكيد إنتي فاهمة
إنتي أنجح واحدة في العالم تقول إنها فاشلة
خلتيني تعبان معييش فلوس أدفع التمن
خلتيني جبان فاشل لما بخاف ببص للسما
مستني أي حاجة تنزل عليا تحطمني لأجزاء
مش همشي مهما الناس هتنعتني بالغباء
لأني بكلم خيال مش موجود في الحياة
مهما هعيط للمزيكا كأني بخبط ومفيش باب
ببساطة الموضوع مضحك خلتيني ضايع
بكتب وأنا محبوس في سجن فالناس دي شافتني طاير
فا لما حسيتي بكده إنتي قتلتيني بقلمي
طلعتيني شاذ بعدين طلعتيني بزني
وأنا معملتش كل ده أنا كنت إنسان طبيعي
إنتي حتى جنونك كان هيخليني عايز أطلع من ديني
بعدين وصل الموضوع لحاجات تانية أوسخ
خلتيني أتف على نفسي كان نفسي أكون أوسم
كان نفسي أكون إنسان معندوش ولا نقطة مشاكل
بس فاهم الحياة مش هتكمل الا وإنت زائل
فأنا تعبت بس مش هينفع أفتح بوقي
الحمل تقيل فشخ عليا وإنتي في العكس بتزقي
مش خايف إني أتفعص بس خايف من الأحساس ده
خايف إني أفضل خايف وتايه ومحسش بالوقت
اللي هيخليني جزيئ ماشي مستني المساعدة
مش جمبي إلا معنى ومتخبي في اللعنة
ومن قلبي بسمعها بتقولي موت وبتدعي
وأنا لسه جسمي ده مدفاش من كلماتها الباردة
كانت عايزة تلعب على نقاط ضعفي، وأنا غبي
كنت بحبها كنت شايفها بالنسبالي نبي
بس للأسف ده مش هيفيد للأسف دلوقتي
مفيش أسد هينهش في لحمي، إلا إنتي
كان لازم تخافي مني، إقتلي نفسك بشغف
أنا مش هندي، كوني أول ولد ده مش سبب
كان لازم تكوني مستوعبه الوضع من كل الزوايا
آسف متمشيش، إستني شوية معايا
عايز أطلع اللي فيا يمكن أحس إني كويس
يمكن أحس إني قليل، بس هحس إني مش ميت
وجايز أحس إني بأيد، بس بأيد إني مش موافق
ماتقوليليش إني جيد أنا عايز أتكلم بس ساكت
خايف أتكلم لتعاقب، أنا لسه زي ما أنا
زي ماسبتيني وأنا مش فاهم وأنا عايش في العدم
أنا باقي والألم بيخش في عضمي كالمسد
بيصرخ في ودني مأذنة، بيسلخ في جلدي على الملأ
عامةً، الكلام ده على المدى بيبان
جوا البلد هتلاقيها بالبلا وبيبان
قلبها مقفولة، بنقول مدد للمفتاح
اللي بيخلي يومنا يعدي بسلام
فاهم؟ أنا كنت لعبة وسط محل ألعاب
تضحك عليك بكلمة، علشان تاخد حياة
ممكن توهمك إنك، بالنسبالها عالم تاني
بعدين تاخد حلمك وتحطك جوا أوهام
وتفضل الحياة ماشية، مش هيفيد مشيك
حابساك جوا وحاشية في عقلك ١٠٠ ألف واشية
وكلهم ضدك، وإنت بس معدوم
مهما بقيت زي الألف، هتفضل شايفاك مش معدول
أنا مقطع جسمي وسايب نفسي للدم بتلذذ
بنصع جوا عقلي، وبنصاع للوهم اللي فيا محفز
حواسي للأهتمام بباقي الحواس، ف يلا بينا نستنفذ كل الآلام
ببص للناس بلاقي أسلاكي بهدوء بتلمس
وأنا زي ما أنا، قاعد على البلاط بدون مبالغة
حاسس بالأحباط بعيون حصان بيطوف للجنة
جسمي بينقاد للإسقاط بس نجوم مش والعة
مش عايز أتكلم جوا عياط، هدوؤها عقاب وبحوم وبلعن
في اليوم اللي، خلاني عبد لحاجة
مصلوب جسمي، على باط إنسانة
ممسوح إسمي، بأحبار وكتابة
محسوب إني بصطاد أسماكك
بس مفيش فايدة لأن محدش لسه فاهم
معيش نيزك عشان أحدفه على أمثالك
بس في هيكل للسعادة بتخيله
إتخلصت منه لأن لقيته جاي على مقاسك
كل اللي كنت عايزه، إني مكنش موجود
مفيش سِم هيقتلك لأنك جسم مسموم
حاولت إني أكون حيادي، زي ماقولتلك في الأول
بس مفيش لبن هيضحك على اللبن المسكوب
سمعت إن الجنة تحت منك بس إنتي في القاع
كل ما بحاول أطلع فوق جسمك يحاوطني بإسقاط
الجو بيسيح، بس أنا متلج من كلامك
عقلي كان مفيد، بس إتلف من سوادك
بس في النهاية، أنا مُصفد بيكي أياً كنتي
وأنا مش طفل، فا مش هتحاسب على سُخطي
لو بتسمعني دلوقتي، إنت شوفت الـ lost me
أنا كنت بكلم أُنسي، أو آسف قصدي أُمي
Lovin' you is hard, bein' here's harder
You take the wheel
I don't wanna do this anymore
It's so surreal, I can't survive
If this is all that's real
التعليقات