الناس مالهاش حكايه الا حكايتك معايا
تخاصمنى تروح لغيرى ترجع تايه ورايا
وباسمحك آه لانى
لو ضاع الصبر منى
حاانساك وارجع كأنى ماعشقتش م البدايه
لكن حارجع واقولك ارجوك فكر بقلبك
وانا معاك للنهايه
ايوه انت صحيح حاببنى وبتزعل لو تسيبنى
وكتير بتجينى نادم وتخاف حتى تعاتبنى
لكن لك طبع جارح
تغضب وعايزنى اسامح
وقصاد الناس تصالح بينى وبينك تاعبنى
وباسمحك آه لانى
لو ضاع الصبر منى
حاانساك وارجع كأنى ماعشقتش م البدايه
لكن حارجع واقولك ارجوك فكر بقلبك
وانا معاك للنهايه
ياللى ف دنيا الحبايب شفت معاك العجايب
سلمتك قلب عاشق ورجعلى وهو دايب
والناس مالهمش غيه غير اللوم والآسيه
وانا صابره ومشتريه وياريت ياحبيبى عاجب
وباسمحك آه لانى لو ضاع الصبر منى
حاانساك وارجع كأنى ماعشقتش م البدايه
لكن حارجع واقولك ارجوك فكر بقلبك
وانا معاك للنهايه
التعليقات