أيامنا الحلوة .. عدت كده ليه على سهوة
وكأنها فنجان قهوة .. مالحقتش أمزمز فيه
وياريتهم زادوا .. طب اعمل ايه ويتعادوا
دول خلصوا بسرعة وفاتوا .. وانا مش مستوعب ليه
ياسلام ياسلام
بعد سنين م الحرمان
بينوبنا يادوب أيام
ده حلال ده ولا حرام
راضيين راضيين
وبنستحمل عايشين
بنفضفض مش رافضين
حامدين والله وشاكرين
****************
بنعيش اللحظة .. مش كل الإعراب كسرة
مرفوعة في جرة في نصبة .. والدرس اتعلمناه
لو نزلت دمعة .. العين تسحبها بسرعة
ما هو كله الا السمعة .. والطبع اتعودناه
ياسلام ياسلام
بعد سنين م الحرمان
بينوبنا يادوب أيام
ده حلال ده ولا حرام
راضيين راضيين
وبنستحمل عايشين
بنفضفض مش رافضين
حامدين والله وشاكرين
كلمات وألحان ميتو (احمد متولي)
التعليقات