من بعد ما كانوا العمر كلو
نغصة عمر صاروا...
يعني خلص راحوا ؟
ماعاد إلهن حس؟
يعني خلص ما بيرجعوا؟
ما في أمل تا يسمعوا ..
يعني ما إصرخ بالفضا !
بلكي العمر يحس
صار القتل حصاد
والفوضى شي عادي
صار الهجر مكتوب
والخوف زوادي
عايش شعب عالخوف
وصار الخطر مألوف
ولا في مين يحس
ولا يسمع ولا يشوف
ويموت فينا الحلم
وبصوت مش مسموع
منهمس بإنو الظلم
خلا الحلم ممنوع
لا الـ ليش بسمعلا صدى
ولا الـ لو عم تنفع
ما الـ ليش ما منها أمل
والـ لو شو بتوجع..
والعمر شيطان!
والعمر شيطان وخرس ساكت .. ما بيسمع...
لا الليل برجع حدا
ولا الحلم بكيد العدا..
والعدل فلّ من البلد....ويمكن مارح يرجع!!
يعني خلص راحو؟
ماعاد إلهن حس؟
يعني خلص ما بيرجعوا؟
ما في أمل تا يسمعوا ..
يعني ما إصرخ بالفضا !
بلكي العمر يحس
هالعمر ما بيحس
التعليقات