جي بقول اللي في قلبي و اللي حصل معايا انا
فين الغلطة وفين انا زنبي اني عشت بطيبة انا
في الحقيقة انا سني صغير بس همومي دي 100 سنه
جوه مني انا متدمر تايه مش لاقيني انا
اسمع مني كلمة كلمة و ركز في حكاياتي انا
كانت كل حياتي ضلمة و عايش فيها محبوس هنا
شوفت دروس من الدنيا ظالمة خلت عمري 100 سنة
كنت في صخرة بقيت رملة و غيمة من كتر الهوا
عارف انا مليان عيوب
من غلطاتي انا نفسي اتوب
بشرب من اجل الهروب
بتنسيني ساعه يدوب
كل حياتي ميه و دخان
بشرب من اجل اللي خان
بشرب من اجل اللي باع
واللي سابني بدون امان
قلبي يا استاذ في الهموم
جسمي يا استاذ في السموم
كنت تملي اقع و اقوم
ملقتش انا حد سندني يوم
جوه طريق انا وحيد
شايف حلمي من بعيد
مهما الدنيا تخبط فيا
هاخد حلمي انا عنيد
من غلطاتي انا بتعلم
لضغط الدنيا انا مش هسلم
بشوف بعيني مش بتكلم
و ع النجاح انا مصمم
شوفت انا نفسي في المرايه
مديت ايدي و عليها بسلم
هعيش و انسي اللي حصل معايا
و اقوم من تاني اقف و اكمل
لو كنتوا لسه بتسمعوني هقول حكايتي انا بصراحه
حافظة الغوامق عيوني و الفواتح مش متاحه
و اللي مني بيجرحوني و داسوا عليا بالبجاحه
عليت صوتي ارحموني واحده واحده كده براحه
هقول موضوع عجيب غريب
شوفت جرح من القريب
شوفت ابويا باع و خان
سابنا و سافر ليه بعيد
في لحظة بيتنا بقي ضحية
و ده كان سبب كافي ليا
اني اكون انا ضهر ليهم
اني اشيل المسؤلية
حمل 3 في رقبتي انا
دول مسؤلين كده مني انا
ده غير مستقبلي و جوازي
و عمري 24 سنه
بضحك بس انا حزين
بوجودي بيكونوا متطمنين
مش عارفين ان انا جوايا
صراع كبير و صوت انين
بدعي لربي بقول قويني
انت اللي سامع انيني
الطف بيا و نجيني
نور حياتي و سنيني
تايب ليك انا جي تايب
عملت كتير ايوة مصايب
بس انا برضو غصب
كنت مجروح من اللي غايب
جي بقول قررت اغني
صوتي يعلي ويوصل فني
انريتيد انا دلوقتي
بكره هوصل تسمع عني
مش بغني عشان نجاح
بس بقول قصة كفاح
جي و هفتح صفحة جديدة
و اقطع صفحات اللي راح
في الحقيقة الفن رسالة
قادره تغير كل العالم
رسالتي هادفه و بكره تشوف
إني دماغي كانت شغاله
التعليقات