افخري يا دار في حكم اخو نوره
وارفعي رايات عزك يا بلادي
كل عامٍ وانتي بعز معموره
وكل عامٍ وانتي اغلى في فوادي
يا وطنا لك بوسط القلب صوره
وكلنا لك حزة الهيه نفادي
نفدي ترابك وحنا حد سوره
ونِلبس اعدانا من ثياب الحدادي
وسيدي سلمان حنا تحت شوره
كلنا بأمره ليا نادى المنادي
كلنا في حزة الشده صقوره
الحرار اللي تنومس بالهدادي
افخري يا دار في حكم اخو نوره
وارفعي رايات عزك يا بلادي
كل عامٍ وانتي بعز معموره
وكل عامٍ وانتي اغلى في فوادي
ويا محمد يا ذرى الشعب وسروره
فيك أملنا يا عمى عين المعادي
يا سديد الراي والنفس الجسوره
يا قيادي ما يحب الانقيادي
امره من الراس الاصوك صدوره
لا عطى كلمه عليها الاعتمادي
نفسه لداره واهل داره غيوره
منتشل في كفه جذور الفسادي
افخري يا دار في حكم اخو نوره
وارفعي رايات عزك يا بلادي
كل عامٍ وانتي بعز معموره
وكل عامٍ وانتي اغلى في فوادي
قايد الرؤيه تشوف العين دوره
رابط جسور الحضاره والبوادي
والوطن حنا ترى حده وسوره
كلنا حزم وعزم راي ومبادي
ماخذينٍ في سما الامجاد دوره
ومن طمع في درة ال سعود غادي
علموه الحد والدار محضوره
نجد ما تبغى سوى راع الشدادي
افخري يا دار في حكم اخو نوره
وارفعي رايات عزك يا بلادي
كل عامٍ وانتي بعز معموره
وكل عامٍ وانتي اغلى في فوادي
اخو نوره شع بأرض العدل نوره
ناشر البيضاء عقب وقت السوادي
يوم جاها كانت بجهل محشوره
لين روضها على درب الرشادي
بين امانٍ وامن ونفوس مغموره
بالرخا والعز تنمو بازديادي
الولاء للدار ما يبغى مشوره
لا دعانا نوقف بوجه الاعادي
افخري يا دار في حكم اخو نوره
وارفعي رايات عزك يا بلادي
كل عامٍ وانتي بعز معموره
وكل عامٍ وانتي اغلى في فوادي
التعليقات