الشوق في خافقـي يا زين حركتـه
واحرجتني في الغـلا واقفيت سكاتي
لين اكتشفت انك الخاسر في معركته
من يوم زعلّـت فـزاع الأمـاراتي
القلب متشـربك بك وانت شربكتـه
لا كن بـروح وانت خلـك تحـاتي
يامهلك القلب تـدري يـوم هلّكتـه
ما طاع عزمي وعيّـا ينكسـر ذاتي
ان شفتك تفـبرك إحساس مافبركته
اعيـش انسـان حتى في معـاناتي
مؤمن بربي ولا في يـوم اشركتـه
واهذب النفـس بأسمه في صلواتي
طموح واحد عشقت النفس وادركته
اني احقـق نجـاحي بأنكسـاراتي
واليوم حقك على الصقّار وش بقته
ياطير ياللي تهـاوت فيك هقـواتي
سلطان قلبي قطع سبقك في مملكته
ناطح بصدرك هوى الحريه العاتي
الشوق في خافقـي يا زين حركتـه
واحرجتني في الغـلا واقفيت سكاتي
التعليقات