كربله بالدموع تضوي عشر شموع
تجري دمعة العين
وابوجه البدر حزنت التعابير
و بلسان الدمع ناحت العصافير
كل أشجار العالم ناحت و الدمعة على الخد ارتاحت
من دم تسيل على الخدود
و كل وردة ابهالعالم ناحت نزلت منها دموع و فاحت
لجل المظلوم بحت ورود
و النجمة تسالبنا النجمة عن حسين ويومه و همه
فقدت هالليلة ضواها
تمنع عن سفتها البسمة لبست أسود حتى النسمة
ترفع بالعبرة لواها
و دمعة غدت تسيل من شجر النخيل
و ابضلووعه نارين
بليلة حيرت مجمل التفاسير
و بلسان الدمع ناحت العصافير
حسين الشمس اللي تظل تسطع منه الخير الوافر ينبع
ناحت لمصيبته الأملاك
بالمحشر للشيعة يشفع بس حبه بهالموقف ينفع
يا حسين احنا ترى نهواك
هذا حسين اللي يسأل عنه باب ومن أبواب الجنة
باب و دايم لنا مفتوح
يعطينا اشما نطلب منه و نجازيه بدمعة و ونة
نقدم لأجله القلب و الروح
كل شي إله يهون حتى ضوى العيون
نبقى له موالين
حتى لو يقطعونا بالمناشير
و بلسان الدمع ناحت العصافير
نبقى بحبه مثل الإخوة و درسنا بمدرسته الحلوة
نتعلم من محبته دروس
من دونه العالم ما يسوى لو لحظة تاخذنا الغفوة
ننظر اسمه اليشع فانوس
وحدنا بحبه و آخانا حلوة بعشقه تظل دنيانا
يا محلاها غدت الأيام
يجري حسين بمجرى دمانا عايش دوم يظل ويانا
علمنا اشلون نحب آلام
شيعة على الدوام نبجي على الإمام
بدمعة المحبين
من عين البشر تشبه النوافير
و بلسان الدمع ناحت العصافير
حسين يظل العالم كله معشوق و ما يحصل مثله
وين تلاقي مثيله الناس
كل طفل ينوح و كل طفلة و نذرف دمع العين لأجله
و على أطفاله و على عباس
هز احساس الكون بايده و السيف اللي حز وريده
حز وياه منحر الآيات
هدم عبى كل يوم نعيده و الصوت تعالى بترديده
منعوفه حسين لا هيهات
ماله أبد مثال ممتلك الجمال
يا حبيبي يا حسين٤
و كل لوحة ألم تكتب الطباشير
و بلسان الدمع ناحت العصافير
التعليقات