حبيبتي مغربية
حبيبتي عجيبة غريبة قريبة من عالم المحال
كل مرة فحال ، ،،، سبحان مبدل الأحوال !
فالصباح تلبس عصرية
تكلمني باللغات.... تبهرني بالشخصية.
وفالعشيا تلبس قفطان أو جلابة وسبنية
وتحكي ليا حكايات الأزلية
ولمثول د زمان ديالنا الشعبية
مرة قالت لي شلحة ومرة قالت لي عربية
ومرة قالت أندلسية ومرة قالت صحراوية
*******************
يلا تكلمات تسحركم بكلامها
تتكلم فالعلوم والفنون والقانون
وآه اشحال ذكية
ويلا شفتوها فالدار مستحيل تقولوا هيا
للا ومولاتي السينية داتاي ومرحبا باللي جاي
الأدب والصواب ولمرحبانية
مرة كتسمع موزار ومرة عيطة مرساوية
هيا هيا هيا........... حبيبتي مغربية
التعليقات