الحكاية بجد زايدة
تعبي ليه مبينتهيش
ولا ليه تفاصيل حياتي
وذكرياتي بيوجعوه
لو يكون لعذابي فايدة
كنت هسكت مشتكيش
كنت و الله هرضى عادي
و اسيب عنيا يدمعوا
كتروا أحلامي اللي شايخة
حاسة إني في دايرة دايخة
عايشة قصة سخيفة بايخة
حالفه عمري تضيعه
كل يوم أحلام يقلوا
اللي زيي في ايه فاضله
زعله عامل زي ضله
في مين خياله يودعه؟
عايشة وحياتي مقفلة
مش عارفه فين المشكلة
كترت حقيقي الأسئلة
مش لاقيه إجابة ليها
عايزة اقوم من نومي ناسية
كل شئ كان نفسي فيه
أنسى اللي اتخلوا يعني
كل حلم ماطلطهوش
لما ألاقي الدنيا قاسية
طيب أعمل بس إيه
واللي فات علشان وجعني
شئ طبيعي محبهوش
دنيا مغرورة وأليطة
لابسة وش كأنه حيطه
هيجرا ايه لو كانت بيسيطه
والعذاب ده مشفتهوش
الظروف مستقصداني
وكل حاجة ملخبطاني
واقفة ضعفانة في مكاني
والحلول مبينفعوش
التعليقات