كل قصه في الدنيا وتحكي عن بطل
إسطورة مجهولة ولكن ملهمة
يعطي بخفى وبكل دفا يصنع أمل
ومن العطا ماهو يدور مكرمة
يوم البشر يزداد والإنسان قلب
أمثالهم درس عسى نتعلمه
هالناس مثل الشمعة لو بضرب مثل
تفنى لجل تضوي الدروب المظلمة
علمني الوقت إن ميزان العدل
في الناس به عبرة وحكمة محكمة
المعدمة ماهي اللي ماتلقى أكل
اللي معاها المال وتبخل معدمة
من أفقر من اللي معه مال وبخل
من أغنى من يحتاج وماله يقسمه
وناس تعيش أموات وما تخلد فعل
وناس تموت وتحيا فينا ملهمة
التعليقات