كلمات اغنية نور الزين – العبارة

جرحك يا عراق الضلت اثاره

على طول النهر دمعات محتارة

يا موصل حزنة وطاب جرح العام

واليوم الجم والسبب عبارة

يا كلبي الثكالة الما طفت نارة

يا نهر المنايا الماخذ اصغارة

ورد بالماي ذابل ضايع ومخنوك

ورد للضحكة مو للموت وجه يلوك

وفوك الماي طايح بس عيونة الفوك

الله يعين صبرة يا القلب محروك

همنا بكل وكت والموت خطاره

جرحك يا عراق الضلت اثاره

جرحك يا وطن هم بعد يا زينه

وكلنة بصبر وجذب سنينه

رد الموت هل المرة بنهر عينه

ولا جنها لليوم اولادنه بطينه

بعدها بكل قلب جيلات تذكاره

جرحك يا عراق الضلت اثاره

يا ماي المدامع حزن يوم العيد

كل ما ننسى همنه تجي بهم جديد

من هذا الشعب يا موت شنو تريد

من توكع الضحكة والدموع اتزيد