الأرض للي صلبت جسمك
شعبا مصلوب وموجوع
قالتلك هيدا دمّك
عوج العالم صار دموع
كل الخطايا بإيدن
صاروا فقر ومرض وجوع
هودي ولادك انصلبوا
قوم مشانن يا يسوع
******
قوم بصليب الآلام
الدنيي صارت للظلام
تسكّر باب الكنايس
والهمّ عبوابن دايس
قالوا ما بيرجع يسوع
قالوا إبكوا ضوّا شموع
قوم مشانن يا يسوع
هيدا أسبوع الآلام
صلبوا بالفقرا الأحلام
بس بكرا بتخلص الهموم
لما من موتك بتقوم
وبتسامح هيدي الصلبان
وبتحمي بإيدك لبنان
قوم مشانن يا يسوع
د. هادي مُراد
التعليقات