بمغارة بساحة أديان
معك ولدنا بهالإيمان
خلقت بكل قوة فينا
ميلادك ثورة لبنان
ميلادك ثورة أطفال
بعيدك صارو بوطني رجال
حملوا قلوبن يا يسوع
ضوّا بعتمة أرضي شموع
قالولك وطني موجوع
وميلادك يحمل آمال
يا ميلاد النور
يضوي عتم بيوت
ولادك نحن نثور
وتصلّيلك بيروت
**********
بمغارة فيها الولاد
إنت شمعة هالبلاد
يا يسوع العايش فينا
انصرنا بْليلةِ الميلاد
ما إلنا غيرك يا آب
يحمينا ويحمي الشباب
زرعوا شجرة بالساحات
والزينة صارت ثورات
وحّدنا الليلة الصلاة
وشرّعنا لقلبك البواب
يا ميلاد النور
ضوّي عتم بيوت
ولادك نحن نثور
وتصليلك بيروت
التعليقات