اتمدت الايدين هربت دموع العين .. واتسمر الزمن ما بين العاشقين
لا سألته نعمل ايه ولا قاللي ح نروح فين .. وهما الكلمتين قاللى مع السلامة
وانا قلت مع السلامة وماتت الابتسامة .. وبردت الايدين آهين آهين
آهين يلا السلامة من ده اليوم الحزين
ده كان وداع فقير ما يلقش بالجراح .. ولا بالحب الكبير ولا بالحلم اللى راح
ده كان وداع فقير ما يلقش بالحكاية .. وكأنه خيط حرير قطعناه من البداية
على الارض فى ظلين جريح فى ريح جريح .. وكأنهم فرعين رقصوا فى قلب الريح
افتح يا قلبي بابك للريح وللعذاب .. وقلوبنا العاشقين بينتهوا اغراب
بينتهوا اغرب
وهما الكلمتين قالى مع السلامة .. وانا قلت مع السلامة وماتت الابتسامة
وبردت الايدين آهين آهين .. آهين يلا السلامة من ده اليوم الحزين
التعليقات