كلمات اغنية هاني العمري – يا رب

يَـللي زْرَعت الفرح بْـقَلبي والإيمان

أنا بعرِف إنّـك بِتحبني من زمان ،

يــا ربّ ، يــا ربّ ،

يومـيّة بِـركع تَـصَلّي بتطّلع لـفَوقْ

في صَوت بـحبَّك بِـقلّلي ،

بِـقلّلي بشوقْ :

شو بَدَّك آطلُب مـنّي شو بَدَّك بَعطيك،

ولـمّا بِـتدِقّ عليّي قلبي بِـلاقيك .

كِلّ يوم بفَتّح عينيّي بِكون هديّـة مِنَّك،

كلّ يوم بـيِمرُق عليّي ،

بِفرَح بسّ إحكي عَـنّك ،

يــا ربّ ، يــا ربّ ،

يومـيّة بِـركع تـصَلّي بتطّلع لـفَوقْ

في صَوت بـحبَّك بِـقِلّلي ،

بِـقِلّلي بشوقْ :

تَـعا لـْعَندي بخطاياكْ حـتّى ال ناسيها،

أنا مِـتِتْ عَنَّك عالصليب حَـتّى إمحِيها،

يــا ربّ ، يــا ربّ ، يــا ربّ ، يــا ربّ .