انا مبقتش نفسي
ضيعت نفسي وانا بأذي
كل الناس اللي تلزمني
مش موجودة للي يحتاجني
كلامك دايماً علي بالي
بحاول أفهم حالي
زحمة الدنيا شغلاني
أحسنلك إنك تنساني
عيني مش جايبة غير قدام
متحاسبنيش علي كلام
أيوة إتغيرت عن زمان
دوام الحال من المحال
دماغي فيها قفلات
بطلت أفكر في اللي فات
جو بيتغير معاه حالات
إختفاء معاه ميسدات
كنا فوق دلوقتي فينّا؟
كنا تايهين و قولنا وصلنا
بنكدب علشان نعدي المحنة
بس خليت مشاعري برا الحسبة
إنت عايز تبقي جمبي
ده إختيارك ده مش ذنبي
الدنيا ضلمة جوا كهفي
مش هتلاقي حد بعدي
عايزني إزاي أبقي شايفاك؟
وإنت عاميني من الدخان
كلام كان مستخبي بس إتقال
بعد الخبطة الوضع مال
مش عارف تحط نفسك مكاني
فاكر إن دماغك دي سابقاني
وقت بيعدي وقت غالي
مش سهل أبقي بنت في مجالي
عشان كدة أنا بضحي
مفيش غير إسمي علي بطاقتي
معنديش وقت أهاتي و أرضي
دلوقتي الكورة علي أرضي
نفوس البشر لازم تسلك
حاجة بتخلص حاجة بتبدأ
ده حال الدنيا لازم تفهم
مش كل حاجة بتبقي بإيدنا
كنا فوق دلوقتي فينّا؟
كنا تايهين و قولنا وصلنا
بنكدب علشان نعدي المحنة
بس خليت مشاعري برا الحسبة
إنت عايز تبقي جمبي
ده إختيارك ده مش ذنبي
الدنيا ضلمة جوا كهفي
مش هتلاقي حد بعدي
التعليقات