كوباية شاي مركونة من إمبارح
في حد ع الباب ..أنا مش هقوم مش فاتح
هي الساعة كام بالظبط؟
من ساعة لما مُت مش بحس بالوقت
صداع رهيب أكيد قابلت يوم صعب
أطباق كتير لكن مش دايق الطعم
قالولي إتقل فا بصراحة تقّلت
بسكر كل يوم بس عمري ما شربت
عيني مبكسلة و كأني متهم
أنا عايش الحياة و كأني موتها
في حاجات بتخنق لو مكنتش قولتها
و لو مت إمبارح أكيد أنا مُت م الزهق
( إيه )
مفيش أرقام
فا أنا مش حاسب اللحظة
هنا مفيش أفكار
حد كاسر اللمبة
مستعد أكمل خط السير
لمجرد الفضول إني أعرف هيوصلني لفين
أو بدافع إني يعني خايف ع العيلة
بس الحقيقة إني مش شايف الليلة
افكار بتتشوه معاني تتهدم
الوش يتلون ما عادي أكيد قدم
أديني بتعود حياتي قولتلك
ف الغالب بتعوم.. تعالي نتقلب
و الدنيا مقلوبة عشان دماغ جزمة
حبيبتي هتكون قبل ما تنام آسفة
واخدها بهدوء مبقتش عايز أسبق
بس الغريزة بتسوق ساعات ببان أسوأ
متعة غير عادية الذل و القهر
البقعة دي علي تيشيرتي من شهر
قلعته مرة لما مت م الحر
المرادي قلبته ع الضهر لبسته مضطر
ف سقف اوضتي في عفريت
مخبي تحت سريري سرير
نبقي نظبط يوم ف العيد
ساعتها هبقي اكيد نسيت
مش ناوي أبكي
نايم غلط و شكلي لاوي رقبتي
صحيت مبهدل عاوج ياقتي
مش نايم بدري
لحظة كده إزاي معلش..
كل ده و الشاي مبردش!
اللي ع الباب ليه مسكتش؟
الساعة كام ليه مردتش؟
الساعة كام؟
رد الساعة كام؟
أنا مت الساعة كام؟
الساعة كام؟
الساعة كام؟
رد.. الساعة كام؟
إيه؟.. قلت الساعة كام؟
الساعة كام؟
التعليقات