انا جايلك
انا جايلك .. وبريدك .. مدي وصالك للدرويش
دي رسايلك .. وبريدك .. مبقوش بيكفوني أعيش
نظرة ود لعاشق تاه
بطلب نظرة عين لله
يا حكاية .. جوايا .. وعد أرويها وعودك دين
ورداية .. في غنايا .. عشت ارويها وعودك زين
نظرة ود لعاشق تاه
بطلب نظرة عين لله
معذور انا .. يا حنينة .. ييجي من سنة مابقتش انام
طيفك هنا .. وانتي هنا .. بيدور بنا سربين حنان
اندر ندر وابعت كلام
واطلب نظرة عين لله
فرع الحنين مديته في ضلوعي
اخضر حزين يروي قساه الجفا
خاصمه الندى ندّيته بدموعي
بكى ع الملأ وبكيت انا في الخفا ..
بردان في بعدك لو في عز الدفا .. يا ولداه
بطلب نظرة عين لله
التعليقات