حادي وبادي وربنا هادي
سيدنا محمد من الناحيادي
آه يا مدينه فيكي نبينا
سامعه ينادي على أولادي
مِسك وعنبر وحمام أخضر
ياكل السُكّر من زُوّادى
سمواتُه سبعة وجنته واسعة
للي بيسعى ويجري قصادي
قلبي يقولّي عالنبى صلّي
وعاللي حصلّي من اللحظادي
قُلت لبلحة ونخلاية طارحة
حلوة الفرحة وجيت في ميعادي
النبي زرته في حلمي أنا شوفته
بيطمنّي على أحفادي
ياخد البَرَكة ويفتح مكة
وصفّ ملايكة يطير عالوادي
ربنا ستره وجبر خاطره
ووعده بنصره عاللي يعادي
القمحاية للي معايا
والملحاية في عين حُسادي
التعليقات