يشكي الجمل ويأنّ
للإنس قبل الجِنّ
سيدنا النبي المُختار
من شَكوته بيحزن
كان الجمل عطشان
دايمًا حزين وجعان
سيدنا النبي بيحن
وحنانه من الحنَّان
طبطب عليه يواسيه
ونبينا صلوا عليه
ويتيم بني هاشم
نبع الحنان في عينيه
بيعاتب أصحابه
المصطفى العدنان
ويقول لأحبابه
الرحمة بالحيوان
كام طفل لِسّه رضيع
وعينيه على السماوات
بتحنّلُه المَطَرا
وتنُطّ من السحابات
زرع النبي البذرة
وقالكم بُكْرَة
لو حانت الساعة
ماتقطعوش شجرة
اللقمة بتسبّح
في صوابعه وبتفرح
والشمس من نوره
بكسوفها بتروّح
في إيديه تفيض أنهار
والبركة ليل ونهار
والحب في قلبه
بيحنِّن الأحجار
التعليقات