طفلة وفرحها مسروق عم تحلم بتياب جداد ختيار وقلبو محروق واللي بحبن عنو بعاد
باسم الناس المنسيين المحرومين المتروكين تعو تنكون الايد البيضا اللي بترجع فرحة الاعياد
اله المحبة لما قرر يزور الدني جسد انسانو بمغارة مش بقصور مزينة
وعلمنا انو المحبة هيي قيمة الانسان وانو اللي بيعطي من قلبو بحلي معنى الايمان
واغنى انسان بهالكون اللي عاش بعطاءو غني
عبيوت المنسية روحو وباسمو اعطوهن سلام
وعالدرب ترافقكن روحو ويحرسكن ملك السلام
والليلة ليلة ميلادو ضووها بالفرح شموع ما يبقى حدا من ولادو بعيدو ومحتاج وموجوع
كل العينين اللي عم تبكي ترجع بالسعادة تنام
التعليقات