يا موهبتي عا بحر وبر جولي
تا شوف رجال قدوة بالرجولة
وقالو البرجولي رح بتنجح
وطلعو صادقين البرجولي
إلي تلاتين عام وكنت اطمح
نجاحي عالقمم يضمن وصولي
وصلت بفضلكن وعكل مسرح
اسمحولي أشكر الكل اسمحولي
بقيت الأول وضليت إربح
زحلاوي ومعي تربح خيولي
وبالخسارة ولا مرة كنت إسمح
وبكل مناسبة سَجّل بطولي
وكانو الحاسدين بشكل أوضح
إلا الشر مش عم يضمرولي
هِني يبعتولي سلاح يجرح
وإنتو ورد أحمر تبعتولي
يا جمهوري ما بدي كتير إشرح
بدي عا كلامي تشهدولي
انا قلت للي قِلتو بْهيك مطرح
إذا غلطان زقفِتكن ما بدي
واذا اذا هيدي الحقيقة زقفولي
التعليقات